Инклюзивті білім беру

Қазақстандағы инклюзивті білім берудің құқықтық негізі БҰҰ-ның 20.11.1989 жылғы 44/95 қарарында қабылданған және ҚР-да 1994 жылы ратификацияланған «Бала құқықтары туралы» Конвенциясы болып табылады. Барлық қатысушы мемлекеттер ақыл-есі немесе дене бітімі жағынан кем бала оның қадір-қасиетін қамтамасыз ететін, өзіне деген сенімділігіне ықпал ететін және оның қоғам өміріне белсенді қатысуын жеңілдететін жағдайларда толыққанды және лайықты өмір сүруге тиіс деп есептейді. Ерекше білім беру қажеттіліктері бар балалардың мұқтаждықтарын тануда көмек ата-анасының немесе балаға қамқорлық жасауды қамтамасыз ететін басқа да адамдардың қаржылық ресурстары ескеріле отырып, мүмкіндігінше тегін көрсетіледі, сонымен қатар мұндай балаларға медициналық қызмет көрсету, денсаулығын қалпына келтіру, еңбек қызметіне дайындық және өзге де қызметтерге барынша тегін қол жеткізуі қамтамасыз етіледі.

1993 жылғы 20 желтоқсанда БҰҰ Бас Ассамблеясы мүгедектер үшін тең мүмкіндіктерді қамтамасыз ету ережелерін қабылдады, олар Қазақстанда инклюзивті білім берудің нормативтік базасын әзірлеуде әдістемелік негіз ретінде пайдаланылады. Осы Қағидаларға сәйкес мемлекеттер балаларға, мүгедек жастар мен ересектерге арналған бастауыш, орта және жоғары білім беру саласында тең мүмкіндіктер қағидатын мойындауы, сондай-ақ мүгедектерге білім беру Жалпы білім беру жүйесінің ажырамас бөлігі болып табылатынын қамтамасыз етуі керек.

Ресурстарды әділ қамтамасыз ете отырып, табысты оқытуға және барлығына үлгерімнің нақты белгіленген деңгейіне қол жеткізуге ықпал ететін қауіпсіз, салауатты, инклюзивті оқу жағдайын құру туралы Дүниежүзілік білім беру форумында Дакарлық іс-қимыл шеңбері: барлығына тең білім беру (Дакар, Сенегал, 26-28.04.2000 ж.) бекітілді. 

Университетте студенттер денсаулық жағдайына байланысты қашықтықтан оқыту технологиясы бойынша оқуға ауысқан жағдайда 30-дан астам білім беру бағдарламалары бойынша қашықтықтан оқуға мүмкіндіктері бар. 

2015 жылы психологиялық-педагогикалық тұрғыдан инклюзивті білім беру бойынша ереже бекітілді (13.01/2015 Т.), ол кафедраларда менторлардың оқу материалын меңгеруіне көмек көрсетуге бағытталған. 

Университеттің №2 оқу ғимаратында ерекше білім берілуіне қажеттілігі бар студенттерді қолдауға бағытталған психологиялық кабинеті жұмыс істейді.

Сондай-ақ студенттер Сенім телефондары арқылы тәулік бойы кеңес ала алады. 

Әлеуметтік мәселелер және тәрбие жұмысы жөніндегі проректор жанынан ерекше қажеттіліктері бар студенттердің істерін қарау туралы 25-тен 100% - ға дейінгі мөлшерде жеңілдіктер беру немесе ректордың грантын тағайындау үшін комиссия құрылған.

Қашықтықтан оқыту технологиясы қолданылатын білім беру бағдарламаларының тізбесі