Жоғары білім алуға қабылдау бойынша сұрақтар мен жауаптар.

Alikhan Bokeikhan University-ге жоғары білім беру бағдарламаларына түсу үшін талапкерлер ақылы негізде қысқартылған оқу бағдарламасы бойынша ұқсас мамандықтарға түсетін шетел азаматтары мен колледж түлектерінен басқа талапкерлер ұлттық бірыңғай тестілеуді (ҰБТ) тапсыруы қажет.

ҰБТ-ны ағымдағы жылдың мектеп түлектері, өткен жылдардың мектеп түлектері және мемлекеттік білім грантын алуға үміткер колледж түлектері тапсырады.

ҰБТ жылына 4 рет өткізіледі (қаңтар, наурыз, маусым, тамыз айларында). Республикалық бюджет немесе жергілікті бюджет қаражаты есебінен жоғары білімнің білім беру грантын беру конкурсына қатысу үшін ағымдағы жылғы 16 мамыр мен 5 шілде аралығында өткізілген ҰБТ сертификатының болуы қажет.

Қолданыстағы ережелерге сәйкес ҰБТ - ға өтініштерді қабылдау (Мамыр-Маусым) 28 сәуір мен 14 мамыр аралығында жүргізіледі.

Орта білім беру ұйымдарының өткен жылдардағы, техникалық және кәсіптік немесе орта білімнен кейінгі білім беру ұйымдарының бітірушілеріне қалауы бойынша ақылы негізде университетке түсуі 15-30 шілде аралығында.

Толық ақпарат сайтта:

http://testcenter.kz/ru/postupayushchim-v-vuz/ent-dlya-vypusknikov-kolledzhey/edinoe-natsionalnoe-testirovanie-ent/

Шығармашылық емтихандарға қатысу үшін құжаттарды қабылдау-20 маусымнан 7 шілдеге дейін.  Емтихандар 8-13 шілде аралығында өтеді.

Өтініштерді қабылдау және арнайы емтихан өткізу-20 маусымнан 24 тамызға дейін

Ағымдағы жылдың 16 мамыры мен 5 шілдесі аралығында ҰБТ-ны сәтті тапсырған талапкерлердің құжаттары осы жылдың 13-20 шілдесі аралығында қабылданады, оқуға түсушілер білім беру грантын тағайындау конкурсына қатысу үшін ҰБТ тапсыру кезінде құрылған жеке кабинетте ҰТО сайтында электрондық форматта өтініш беретін болады. ҰТО сайтында өтініш бергеннен кейін конкурсқа қатысу үшін өтініште көрсетілген деректерді растау үшін құжаттардың түпнұсқаларымен университетке келу қажет.

Мемлекеттік білім беру гранттарын беру нәтижелері 1-5 тамыз аралығында белгілі болады. Иегерлер тізімі БАҚ-та ("Егеменді Қазақстан"және "Казахстанская правда" газеттері), сондай-ақ интернет-ресурстарда, атап айтқанда ҰТО сайтында жарияланады www.testcenter.kz (конкурсқа қатысқан әрбір талапкер өзінің ЖСН мен бірыңғай сынақ кодын көрсете отырып, өз нәтижелерін біле алады)

ЖОО-ға қабылдау 10-25 тамыз аралығында жүзеге асырылады.

Alikhan Bokeikhan University-де әскери кафедра бар. Әскери кафедраға қабылдау үшін студент 1 курстан кейін іріктеу турынан өтеді, оған психометриялық тест, МКК медициналық тексеруі, дене дайындығы бойынша нормативтерді тапсыру және үлгерімнің орташа балы кіреді.

ЖОО-ға түсу үшін қандай құжаттарды тапсыру қажет?

• Аттестат (диплом) түпнұсқа; 
• ҰБТ сертификаты; 
• №075-У нысанындағы медициналық анықтама, 
• флюорография суреті (пленка);
• Егулер туралы №063 нысандағы медициналық анықтама (көшірмесі);
• 3х4 см көлеміндегі 6 фотосурет;;
• жеке куәлік немесе төлқұжат көшірмесі, 
• тіркеу куәлігінің көшірмесі (болған жағдайда);
• білім беру грантын беру туралы куәлік (бар болса).

Бізде 2 студенттік жатақхана бар, онда студенттердің тұруы үшін қолайлы жағдайлар жасалған.

Жатақханада тұру құны жылына 90.000 теңгені құрайды.