Мектеп оқушылары арасындағы көркем сөз оқу және шешендік өнер байқауы

13 желтоқсан күні Әлихан Бөкейхан Университетінде Семей қаласының құрметті азаматы, «Ана тілінің айбары» белгісінің иегері, облыстық «Қазақ тілі» қоғамының негізін қалаушы Бәтташ Сыдықұлының 95 жылдығына орай «Тіл байлығы – Ұлт байлығы» тақырыбымен ұйымдастырылған іс шаралар аясында мектеп оқушылары арасындағы көркем сөз оқу және шешендік өнер байқауы өтті

Байқауға Семей қаласының және қала маңы мектептерінің 11 сынып оқушылары қатысты. Байқау қалалық Білім бөлімі және Мәдениет және тілдерді дамыту бөлімдерінің қолдауымен, ҚР Тәуелсіздік күніне орай ұйымдастырылды

Байқаудың мақсаты – қазақ халқының шешендік өнер дәстүрлерін жаңғырту, әдеби тіл тазалығын сақтауды насихаттау, білім алушылардың көпшілік алдында сөз сөйлеу мәдениетін қалыптастыру және талантты жастарды қолдау, қазақ тіліне деген құрметін арттыру

Екі кезеңде бақ сынасқан оқушылары көркем әдебиет және публицистикалық шығармалардың үзінділерін мәнерлеп оқу, әдеби композициялар ұсыну, сонымен қатар ұсынылған тақырыптардың біріне көпшілік алдында сөз сөйлеуден сайысқа түсті

Сайыс қорытындысы бойынша қазылар алқасы байқау жеңімпазы мен жүлдегерлерін анықтады. Байқау нәтижесі бойынша үздік шыққан оқушылар:
1 орын иегері - А. Байтұрсынұлы ат. Семей қ. №47 мектебінің оқушысы Амангүл Әлібекққызы
2 орын иегерлері - Ы. Алтынсарин ат. №37 мектеп гимназиясының оқушысы Аружан Болатхан және Шәкәрім ат. көпбейінді №5 мектеп гимназиясының оқушысы Ерке Саменова
3 орын иегерлері - А. Ибраев ат. мектеп оқушысы Айым Амангельдынова, Б. Момышұлы ат. мектеп №34 мектеп оқушысы Рәмия Семейғазы және Ж. Шайжүнісов ат. электронды колледж оқушысы Айым Жұмадилова.

"Үздік монолог" номинациясымен Қ. Рысқұлбеков ат. №33 мектептің оқушысы Гүлнұр Орынбаева марапатталса, "Дұрыс таңдалған тақырып" номинациясында Ы. Алтынсарин ат. №37 мектеп гимназиясының оқушысы Алдияр Рысбеков марапатталды.

Байқау жеңімпазы мен жүлдегерлері арнайы дипломдармен, бағалы сыйлықтармен және Әлихан Бөкейхан Университетінде таңдаған мамандығы бойынша білім алу мүмкіндігін беретін, Университет Президенті, профессор Шырын Құрманбаеваның гранты мен университетте оқу ақысына жеңілдік беретін сертификаттарға ие болды