Профессор Арап Еспенбетов - Абай облысының құрметті азаматы

💐 Әлихан Бөкейхан Университетінің басшылығы, профессор оқытушылар құрамы мен білім алушылары атынан филология ғылымдарының докторы, профессор, ұлағатты ұстаз, ҚР еңбек сіңірген қайраткері, университетіміздің Филология кафедрасының профессоры, "Филология" білім беру бағдарламасы бойынша Диссертациялық кеңесінің төрағасы Арап Сләмұлы Еспенбетовті Абай облысының құрметті азаматы атануымен шын жүректен құттықтаймыз!

✨ Арап Сләмұлы ұзақ жылдары бойы Alikhan Bokeikhan University құрамына енген Мұхтар Әуезов атындағы Семей университетін басқарды, ұстаздық етті, жүздеген магистранттар мен докторанттарға жетекшілік етіп, талапты жастардың ғылым жолына қадам жасауына жол ашты. Әдебиет тарихын зерттеу ісінде өзіндік ғылыми мектеп қалыптастырды.

🙏 Арап Сләмұлының Қазақстан ғылымы мен білім беру ісінің дамуына қосқан үлесі өлшеусіз. Әлихан Университеті Арап ағамызға зор денсаулық, қажымас қайрат, ұзақ ғұмыр әрі шығармашылық шабыт тілейді. Шәкірттеріңіздің мейіріне бөленіп, ұзақ жасаңыз, ғалым аға!