Әлихан Университетінің маманы Польшадағы халықаралық форумда

Маусым айының басында Польшадағы Белосток университетінде International Staff Week халықаралық білім беру форумы өтті. 

Іс-шараға Албания, Армения, Грузия, Литва, Латвия, Германия университеттерінің қызметкерлері қатысты. Әлихан Бөкейхан Университетінің атынан форум жұмысына Халықаралық ынтымақтастық бөлімінің аға маманы Жолдыханова Акбота қатысып қайтты.

Іс-шара жоғары білім беруді интернационалдандыру саласында жұмыс істейтін мамандардың біліктілігін арттыруға бағытталды. Қатысушылар өз университеттерін таныстырып, білім алу шекараларын кеңейту саласындағы озық тәжірибелермен танысуға мүмкіндік алды. Сонымен қатар, қатысушылар университет докторлары өткізген қызықты да пайдалы семинарларға қатысты.

"Белостокта оқы" бастамасы аясында Белосток медициналық университетінің мүшелерімен бірге International Staff Week қонақтары университет планетарийінде барды. Сонымен қатар Браницкий сарайына медицина және фармация тарихы мұражайында болып, Белосток қаласының көрікті жерлерін аралады.

Подлас аймағының мәдени және табиғи құндылықтарымен танысу үшін International staff Week қатысушылары ашық жапқыштар елін көруге және Белоруссия мен Польша аумағында орналасқан Беловежа ұлттық саябағына баруға мүмкіндік алды. 

Әлихан Университеті ұзақ жылдар бойы Польша университеттерімен тығыз жұмыс істеп келе жатыр. Бұл жолы да, University of Bialystok  және Eastern European University of Applied Sciences қызметкерлерімен кездесу барысында университеттер арасындағы ынтымақтастықты дамыту мәселелері талқыланды.

Белостокқа сапар ғылым және халықаралық ынтымақтастық жөніндегі проректор, философия докторы, профессор Izabela Święcicka-мен кездесумен және қатысушыларға сертификаттар табыстаумен аяқталды.