Педагогикалық қайта даярлау курстарының кезекті легі өз оқуларын тәмамдауда

2024 жылғы 24 қаңтарда «Педагогикалық қайта даярлау» білім беру бағдарламасын тыңдаушылардың (4-ағым) теориялық оқу циклын қорытындылайтын емтихан сессиясы аяқталды.

Тыңдаушылар тиісті дайындық бейініндегі пәндерді оқыту әдістемесі бойынша емтихан тапсырды. Бұл емтиханда тыңдаушылар өздерінің педагогикалық білімдері мен білім беру саласында жұмыс істеудің негізгі принциптері мен әдістерін қаншалықты игергенін дәлелдеді. 

Емтиханды сәтті тапсырған тыңдаушылар тиісті салада жұмыс істеуге дайын екендіктерін растады.

Ендігі кезекте тыңдаушылар педагогикалық іс-тәжірибеден өтіп, өздерінің оқытушылық дағдыларын дәлелдейтін болады. Іс-тәжірибе барысында тыңдаушылар сабақ жүргізіп, алған педагогикалық білімдері мен дағдыларын білім беру мақсаттарына жету үшін қалай пайдаланғанын көрсете білуі керек. Сонымен қатар атқарған жұмыстарына талдау жасап, болашақта жетілдіруі тиіс тұстарын анықтайды.

Педагогикалық іс-тәжірибе - білім беру процесінің ажырамас бөлігі, онда тыңдаушылар өз білімдері мен дағдыларын практикада қолдана алады, өз дағдыларын шыңдай отырып, білім беру саласындағы жұмысқа дайындығын растай алады.

Тыңдаушыларымыз педагогикалық іс-тәжірибеден сәтті өтіп, мемлекеттік емтиханды жақсы тапсыруларына тілектестік білдіреміз!