Шетелдік серіктес ЖОО өкілдерімен екіжақты кездесулер

Alikhan Bokeikhan University-де бірнеше жыл бойы ынтымақтастықта жұмыс атқарып келе жатқан шетелдік серіктес жоғары оқу орындарының өкілдерімен маңызды екіжақты кездесу өтті.

Аталған іс-шараға университет президенті Курманбаева Шырын Асылханқызы, ректор Койчубаев Александр Сергеевич, вице-президент Курманбаева Жанна Асылханқызы, халықаралық ынтымақтастық жөніндегі проректор Шустова Елена Павловна, проректорлар, декандар және университет кафедраларының меңгерушілері қатысты.

С. М. Киров атындағы Санкт-Петербург мемлекеттік орман техникалық университетінен Халықаралық ынтымақтастық басқармасының басшысы Светлана Викторовна Терещенко, Алтай мемлекеттік университетінен Халықаралық білім беру бағдарламалары және академиялық ұтқырлық бөлімінің басшысы Глушанина Светлана Викторовна қатысты.

Екіжақты кездесу қатысушыларының қатарында Болгария Республикасының София техникалық университетінің Академиялық мәселелер жөніндегі проректоры, профессор Димитров Любомир және PhD, қауымдастырылған профессор Станьо Колев болды. Сондай-ақ, бұл кездесуге Болгария Республикасының Төтенше және Өкілетті Елшісі Боян Хаджиев пен Қазақстан Республикасындағы Болгария Республикасы Елшілігінің консулы Пламен Петков шақырылды.

Кездесу аясында қазіргі білім беру әлеміндегі халықаралық ынтымақтастықтың маңыздылығын көрсететін одан әрі ынтымақтастық перспективалары, идеялар және тәжірибелермен алмасу мәселелері талқыланды.

Alikhan Bokeikhan University жоғары оқу орындары арасындағы ынтымақтастықтың академиялық және ғылыми байланыстарын нығайтуға қосқан елеулі үлесі үшін алғыс білдіреді.